Victoria‘s Secret fyrirsætan Behati Prinsloo bregst við gríni um framhjáhaldsskandal eiginmanns hennar, Adam Levine, söngvara Maroon 5.
Upphaf skandalsins má rekja til þess þegar áhrifavaldurinn og fyrirsætan Sumner Stroh birti myndband í september í fyrra og hélt því fram að hún hafi átt í áralöngu ástarsambandi við Levine.
Í kjölfarið stigu fleiri konur fram og sögðust hafa fengið skilaboð af kynferðislegum toga frá söngvaranum, sumar birtu skjáskot af samskiptunum.
Sjá einnig: Framhjáhaldið sem skekur Hollywood – Adam Levine rýfur þögnina og aðrar stjörnur blanda sér í málið
Levine svaraði ásökununum og þvertók fyrir að hafa haldið framhjá eiginkonu sinni en viðurkenndi að hafa átt „stundum óviðeigandi“ samskipti við aðrar konur á netinu.
Erlendir miðlar greindu frá því að Behati hafi farið í uppnám við fréttirnar en hafi ákveðið að trúa eiginmanni sínum um að ekkert líkamlegt hafi átt sér stað með Stroh.
Levine og Prinsloo hafa verið saman í tíu ár, gift í átta ár og eignuðust þriðja barn sitt í byrjun árs 2023, sem þýðir að hún var ólétt þegar þetta allt kom fram.
Sjá einnig: Skandallinn vindur upp á sig – Fleiri fyrirsætur stíga fram og birta svakaleg skjáskot
Á mánudaginn kom út stutt stikla fyrir næsta þátt vinsæla hlaðvarpsins Call Her Daddy.
„Ég verð að segja þér, ég var mikill aðdáandi Maroon 5 og það gleður mig að þú hafir verið til í að setjast niður með mér og ræða um skandalinn í kringum hjúskaparbrot þín. Hversu oft hélstu framhjá með konum sem þú kynntist á Instagram?“ spurði Alex viðmælanda sinn, sem var ekki sýndur í stiklunni en lag með Maroon 5 var spilað undir lokin. Aðdáendur tóku því sem vísbendingu um að gesturinn væri Adam Levine og að hann ætlaði að ræða um skandalinn.
View this post on Instagram
En það var ekki Adam Levine sem var gestur þáttarins, heldur leikarinn Adam Devine, sem tók það skýrt fram að hjónaband hans væri í toppstandi.
View this post on Instagram
Behati Prinsloo virtist hafa húmor fyrir þessu og skrifaði við stikluna: „LOL“.
Sumner Stroh steig fram nokkrum dögum eftir að Prinsloo staðfesti að þau ættu von á sínu þriðja barni saman.
Í myndbandinu sýndi Stroh skjáskot af skilaboðum sem Levine á að hafa sent á hana. Hún sagði að hann hafi spurt hana hvort henni væri sama að ófædda barnið yrði nefnt Sumner.
Sjá einnig: Adam Levine sagður hafa haldið framhjá – Vildi nefna ófædda barnið sitt eftir hjásvæfunni
Þriðja barn þeirra hjóna fæddist 30. janúar síðastliðinn en þau hafa ekki greint frá nafni barnsins. Fyrir eiga þau tvær dætur, fæddar 2016 og 2018.
