Þeir hófu feril sinn saman á BuzzFeed en sögðu skilið við miðillinn árið 2018 og einbeittu sér alfarið að YouTube. Myndbönd þeirra fá allt að 20 til 30 milljónir áhorfa og er óhætt að segja að vinahópurinn sé vinsæll.
Makar þeirra og samstarfsfélagar komu reglulega fram í þáttunum og á yfirborðinu virtist þetta verið heilsteyptur og heilbrigður vinnustaður.
Þeir halda einnig úti hlaðvarpsstöð, þar sem Ariel Fulmer, eiginkona Ned Fulmer til tíu ára, er með þátt ásamt eiginkonum Zach og Keith.
Ned hefur nú verið rekinn úr Try Guys eftir að það komst upp um framhjáhald hans með Alexandriu Herring, framleiðandi hjá Try Guys. Hún hefur oft komið fram í myndböndum þeirra og í einu þeirra mátar Ned brúðarmeyjarkjól fyrir brúðkaupið Alexandriu.
Aðdáendur vinahópsins voru byrjaðir að taka eftir því að í nýjustu myndböndunum sést lítið sem ekkert í Ned Fulmer, það var eins og hann hefði verið klipptur úr þáttunum. Síðan fóru sögusagnir um framhjáhaldið á kreik og mikil umræða skapaðist um málið á Reddit, þar sem einn netverji birti myndband af Ned og Alexandriu kyssast á skemmtistað í New York.
Try Guys gáfu út yfirlýsingu á Instagram í gær og sögðu að Ned væri ekki lengur hluti af hópnum eftir ítarlega rannsókn innan fyrirtæksins.
View this post on Instagram
Um klukkustund síðar gaf Ned út yfirlýsingu og sagði að fjölskyldan hefði átt að vera í forgang hjá honum en hann hafi misst sjónar af því sem var mikilvægt.
„Ég átti í samþykku sambandi við samstarfsfélaga. Mér þykir leitt sársaukinn sem ég hef valdið strákunum og aðdáendum, en sérstaklega Ariel. Það eina sem skiptir máli núna er hjónabandið mitt og börnin mín, og ég ætla að einbeita mér að því,“ sagði hann.
Fjöldi netverja hafa skrifað við færslu Ned og lýst yfir vonbrigðum sínum.
View this post on Instagram
Aðdáendur eru slegnir vegna málsins en Ned hefur verið þekktur sem „góði eiginmaðurinn“ í hópnum – það var hans ímynd. Hann talaði mikið um eiginkonu sína, hjónabandið þeirra og hún var oft við hlið hans í þáttunum.
Fréttirnar hafa ratað í alla helstu fjölmiðla vestanhafs. Try Guys voru fljótir að skipta út prófíl mynd á Instagram og YouTube og munu héðan í frá halda áfram starfseminni án Ned.
