The Roof, hinn nýji og glæsilegi þakbar Reykjavík Edition-hótelsins er í hópi bestu þakbara (e. rooftop bar) Evrópu að mati Big 7 Travel. Það er breska tímaritið Time Out sem greinir frá en hótelið hóf starfsemi sína í október í fyrra og virðist barinn falla vel í kramið hjá Íslendingum sem og erlendum ferðamönnum. Hann er staðsettur á sjöundu hæð hótelsins og er með útsýni yfir miðbæ höfuðborgarinnar auk þess sem fjallasýnin er í meira lagi stórbrotin.
Alls voru 50 barir valdir á listann en The Roof var í öðru sæti listans.