Rithöfundurinn og útvarpsmaðurinn Joe Pardavila rifjar upp fallega sögu af leikkonunni Jennifer Aniston í bókinni „Good Listen: Creating Memorable Covnersations in Business And Life“ sem kemur út bráðlega.

Joe greinir frá því að Jennifer hefði lagt sig sérstaklega fram við að hjálpa honum þegar hann var starfsnemi (e. intern) á útvarpsstöðinni 95.5 PLJ.

Þetta var árið 1997 og honum var falið það verkefni að finna Jennifer á tökustað „Picture Perfect“ og ná einkaviðtali við hana. Þegar hann kom að hjólhýsinu hennar var hann snögglega stöðvaður af lífverði Jennifer.

„Hann sá mig og skynjaði hvað ég var að fara að gera. Hann gekk rakleitt upp að mér. Ég hélt á míkrafóninum og sagði eins rólega og sakleysislega og ég gat: „Hæ, ég vil bara spyrja Jennifer nokkurra spurninga, ekkert meira.“ Lífvörðurinn sagði að það væri ekki að fara að gerast. Hans tónn var hvorki rólegur né saklaus,“ segir Joe um atvikið.

Jennifer hafði heyrt í þeim fyrir utan hjólhýsið, kom út og sagðist ekki geta svarað spurningum hans og fór aftur inn. Joe skilaði sér aftur á útvarpsstöðina með skottið milli lappana.

„Nokkrum mínútum seinna hringdi aðstoðarmaður Jennifer Aniston í okkur og sagði að Jennifer hefði liðið illa yfir því sem gerðist og að hún myndi glöð koma í viðtal í morgunþættinum.“

Sem hún gerði. „Hún talaði í 20 mínútur við okkur um myndina sem hún var að gera, um tíma hennar í „Friends“ og bara um allt sem manni myndi langa að tala um við Jennifer Aniston,“ segir Joe.

Í bókinni segir Joe fleiri sögur af stjörnum sem hann hefur tekið viðtöl við, eins og Taylor Swift, Jon Bon Jovi og John Mayer. Bókin kemur út eftir tæpa viku.