Fyrrverandi klámstjarnan Mia Khalifa nýtur mikilla vinsælda á samfélagsmiðlum, sér í lagi TikTok, og er þekkt fyrir að deila fyndnu og skemmtilegu efni þar.
Á dögunum greindi hún frá því hvernig einfaldlega nærvera hennar varð til þess að kona fékk nýja Birkin tösku, en þessi hátískuvara er rándýr og kostar að minnsta kosti 1,2 milljónir króna.
Þetta byrjaði allt á því að Lya Mariella og eiginmaður hennar voru í brúðkaupsferð í París og fengu sér kvöldverð á hótelinu. Lya birti myndband af sér í glæsilegum kjól en alvarleg á svip meðan hún sötraði vín og skrifaði með: „Er í París að borða með eiginmanninum og hann tók eftir Miu Khalifu, varð allt of spenntur og sendi öllum vinum sínum skilaboð.“
@lyamariella Not okay 💀🍷 #honeymoondiaries #fyp #honeymoon #husbandthings #trouble #notokay #truestory #miakhalifa #honeymoontrip #justgreat ♬ C’est si bon – Aoi Teshima
Myndbandið fór eins og eldur í sinu um netheima og létu netverjar eiginmann hennar heyra það fyrir virðingarleysið gagnvart eiginkonu sinni.
Ekki nóg með það endaði Mia sjálf með að sjá það og skrifaði: „Maðurinn minn var líka í símanum allan tímann, ég segi að við losum okkur við þá og förum að versla á morgun.“
„Ég er núna í Hermes versluninni hinum megin við götuna, þú getur hitt mig þar!“ sagði þá Lya og Mia svaraði: „Gott, hann skuldar þér Birkin.“
Eiginmaðurinn endaði með að kaupa rándýra Birkin tösku handa eiginkonu sinni til að biðjast afsökunar og ekki nóg með það hitti Lya fyrrverandi klámstjörnuna og stilltu nýju vinkonurnar sér upp með töskuna.
@lyamariella Couldn’t have done it without ya babe 🫶@miakhalifa #birkin #fyp #birkinbag #hermes #paris #honeymoondiaries #miakhalifa #godmother #parisshopping ♬ original sound lyamariella
@miakhalifa Literal, actual, unbelievably true story ☠️ go to @lyamariella ♬ original sound – Kaylyn