Áhrifavaldurinn og einkaþjálfarinn Sunneva Einarsdóttir hefur brennandi áhuga á heilsu, hreyfingu og næringu og er dugleg að sýna frá virkum og heilbrigðum lífsstíl sínum á Instagram.
Hún svaraði spurningum fylgjenda sinna í gærkvöldi og gaf nokkur góð ráð varðandi líkamsrækt.
View this post on Instagram
Sunneva gaf fimm ráð til að auka vöðvamassa. Hún gaf ráðin á ensku og eru þau lauslega þýdd fyrir lesendur en það er hægt að sjá færsluna hennar aðeins neðar í greininni.
„1. Borða!! Og ekki gleyma próteininu plís.
2. Lyfta þungt! Bættu á lóðin, reyndu á þig!
3. Stöðugleiki er lykillinn. Haltu áfram, þetta tekur tíma. Gerðu þetta að lífsstíl.
4. Hvíld. Fáðu góðan svefn.
5. Endurtaktu þetta!“
Aðspurð hvort hún fari eftir einhverju prógrammi þegar hún fer í ræktina sagðist Sunneva vera með sitt eigið prógramm „stimplað inn í hausinn á sér.“
„Ég veit hvað líkaminn minn þarf og hlusta á hann. Ég reyni að lyfta 3-4 sinnum í viku og eitthvað easy/cardio 1-3 sinnum í viku. Elska líka að breyta til í hreyfingunni og prufa alls konar tíma. Hreyfing er hreyfing,“ sagði hún.
Sunneva sagðist ekki telja kaloríurnar sem hún innbyrðir. „En ég fylgist stundum með prótein inntöku upp á forvitni. Veit svona sirka hvað er í hverju þar sem ég hef mikinn áhuga á næringu og innihaldi í mat (prótein, trefjar, fita, kolvetni, sykur). Hef aldrei verið á matarprógrammi eða diet in my life, just eat what I want.“
Einkaþjálfarinn deildi einnig uppskrift að sítrónu og parmesan pastarétt. „Ég lifi á pasta,“ sagði hún.
Sjáðu uppskriftina hér að neðan.
Sunneva deilir reglulega myndum eða myndböndum af sér á æfingu og þegar Covid gekk yfir deildi hún æfingum – sem var einnig hægt að framkvæma heima – og má enn nálgast þær í „highlighs“ á Instagram síðu hennar.