Vísindin snúast stundum um að sanna hið augljósa. Nú hafa vísindamenn fullyrt að svokölluð „mannabörn“ (e. manchild) sé til. Mannabörn eru háð maka sínum varðandi ýmis heimilisstörf, til að mynda matargerð, þrif og þvott.

Ný áströlsk rannsókn bendir til þess að karlmenn sem álitnir eru „mannabörn“ af konum sínum stundi minna kynlíf en karlmenn sem axla sömu byrðar og makinn varðandi heimilisstörfin. Daily Mail greinir frá.

Rannsóknin fór þannig fram að spurningalisti var lagður fyrir meira en 1.000 konur um allan heim sem allar áttu það sameiginlegt að vera í sambandi við karlmann og eiga börn yngri en 12 ára. Voru konurnar meðal annars spurðar hvort að makinn væri eins og auka barn í þeirra augunum í heimilislífinu og hvort að þær upplifðu að viðkomandi gerði heimilisstörfin svo illa að best væri að þær gerðu húsverkið sjálfar.

Konur sem svöruðu þessum spurningum játandi álitu makann háðan sér og höfðu augljóslega minni löngun í þá kynferðislega en ella.

Rannsóknin snerist eingöngu um gagnkynhneigð sambönd og því er óvíst hvort að fyrirbærið sé til staðar í öðrum tegundum af samböndunum.