Bandaríski faðirinn Jeff Given er með skilaboð til feðra og segir þeim að þroskast og taka meiri þátt í heimilislífinu.

Hann er þriggja dætra faðir og var einn með dætur sínar í viku þegar eiginkona hans fór í vikulanga stelpuferð.

Það lét hann hugsa og í kjölfarið vill hann miðla skilaboðum til annarra feðra.

„Í fyrsta lagi, ef eiginkona þín þarf að skilja eftir leiðbeiningar fyrir þig. Eins og „þetta þarftu að gera þegar þú sækir börnin í skólann“ eða „svona er kvöldrútínan,“ þá ertu ekki að taka nógu mikinn þátt í heimilishaldinu,“ segir hann.

„Í öðru lagi, ef þú kannt ekki að elda kvöldverð handa fjölskyldunni, bara venjulegan heimilismat, þroskastu.

Ekki hringja í hana til að kvarta yfir því sem krakkarnir gera, því gettu hvað. Þau eiga eftir að vera pirrandi, þau eiga eftir að væla og gera eitthvað heimskulegt. Ekki trufla hana, sjáðu um þetta sjálfur. Ef þetta er ekki eitthvað mikilvægt, ekki trufla hana og leyfðu henni að njóta sín.“

Að lokum segir hann: „Ef þig skortir almenna vitneskju um hvernig þú átt að sjá um sjálfan þig og börnin þín í viku þá ættirðu að fara í sjálfskoðun og taka meiri þátt í heimilislífinu.“

@jeff_given Guys, we can do better #parentsoftiktok #parentingtips #dadsoftiktok #momtok #momlife #momsoftiktok #fyp #lamehusband #parentsbelike #parenting101 #parenthood #motherhood #fatherhood ♬ Lavender Haze – Taylor Swift

Myndbandið hefur slegið í gegn og fagna margar konur skilaboðum hans. „Í alvöru, ég er svo ánægð að fleiri menn séu að vekja athygli á þessu og beina orðum sínum til karlmanna,“ segir ein.