Nú þegar það rignir, snjóar og blæs til skiptis er fínt að finna sér eitthvað til dundurs innandyra. Fyrir þau sem stunda kynlíf er því upplagt að prófa nýjustu kynlífsstellinguna „snjóengilinn“.

Snjóenglinum er best lýst sem útfærslu af klassísku kynlífsstellingunni trúboðanum. Nema hvað karlmaðurinn snýr öfugt. Svo kannski væri rétt að tala um öfugsnúinn trúboða? Nei maður segir bara svona.

Á meðan trúboðinn krefst þess að báðir aðilar séu með höfuðið í sömu átt þá krefst snjóengillinn þess að aðilinn sem er ofan á snúi með höfuðið að fótum hins. Rétt eins og fyrir stellinguna frægu 69. Nema hvað að þarna mætast aðilarnir á kynfærasvæðinu.

Ólíkt trúboðanum er það líka aðilinn sem er undir sem stýrir ferðinni og hraðanum. Gott er að grípa um rass efri aðilans til að taka almennilega stjórnina.

Í gagnkynjasamböndum, eða samböndum þar sem bæði er fyrir að fara leggöngum og getnaðarlim/staðgöngulim er þetta sérstaklega góð stelling þar sem limurinn nuddast við snípinn í kynlífinu sem getur gert þessa stellingu sérstaklega ánægjulega.

Þetta er líka fín stelling fyrir veturinn þar sem hún krefst núnings á milli tveggja líkama sem skapar varma sem getur yljað á þungum vetrarkvöldum.

Þetta getur verið skemmtileg tilbreyting, þó svo að vissulega sé sjónarhornið ólíkt því sem trúboða-aðdáendur eru vanir. En með þessum hætti gæti sá sem er ofan á t.d. horft á sjónvarpið á meðan neðri aðilinn gerir alla vinnuna. Það hlýtur að vera kostur.

Svo er líka kostur að ef snjóengillinn er alls ekki að þínum smekk, þá kannski muntu meta trúboðann betur næst. Svo gætir þú líka prófað aðrar kynlífsstellingar sem hafa verið vinsælar undanfarin ár eins og „leynivin jólasveinsins„, „rjómaísinn„, „sjötíu„, „sótthreinsipumpuna“ eða „frygðarfötuna„.

Heimild: The Sun