Taylor Swift lætur tónlistarmanninn Damon Albarn heyra það eftir að hann hélt því fram í nýlegu viðtali að hún semdi lögin sín ekki sjálf.
Damon, 53 ára, er söngvari vinsælu hljómsveitanna Gorillaz og Blur. Hann fékk íslenskan ríkisborgararétt fyrir ári síðan og býr í Grafarvoginum.
Söngvarinn sakaði Taylor um að semja ekki eigin lög í viðtali hjá Los Angeles Times. Hann sagði að það „telst ekki með“ þegar hún semur lögin sín með einhverjum öðrum (e. co-writing).
Taylor skaut föstum skotum til baka á Twitter í gærkvöldi. „Ég var mikill aðdáandi þinn þar til ég sá þetta. Ég sem ÖLL lögin mín. Þetta er kolrangt og svo eyðileggjandi. Þér þarf ekki að líka við lögin mín en það er virkilega ruglað að reyna að draga verk mín í efa.“
@DamonAlbarn I was such a big fan of yours until I saw this. I write ALL of my own songs. Your hot take is completely false and SO damaging. You don’t have to like my songs but it’s really fucked up to try and discredit my writing. WOW. https://t.co/t6GyXBU2Jd
— Taylor Swift (@taylorswift13) January 24, 2022
Í viðtalinu sagði Damon: „Ég veit hvað er að semja með einhverjum (e. co-writing). Það er allt annað en að semja. Ég er ekki að drulla yfir neinn, ég er bara að segja að það sé mikill munur á lagahöfundi og lagahöfundi sem semur með öðrum. Það þýðir ekki að útkoman geti ekki verið frábær. Ætli ég sé ekki bara hefðbundinn þegar kemur að þessu.“
Taylor Swift er þekkt fyrir að semja eigin tónlist og hefur unnið með öðrum tónlistarmönnum í gegnum árin.
Aðdáendur voru fljótir að koma söngkonunni til varnar og benda meðal annars á að hún samdi öll lögin á plötunni „Speak Now“ sem kom út árið 2010, þá var hún aðeins nítján ára gömul.
„Taylor Swift samdi ekki alla „Speak Now“ plötuna nítján ára gömul svo einhver gæti sagt þetta,“ sagði einn netverji á Twitter.