Goðsögnin Meatloaf er látinn, 74 ára að aldri. Ekki hefur verið greint opinberlega frá dánarorsök. The Guardian, BBC og fleiri miðlar greindu frá þessu nú í morgun.
Maður sem varð heimsþekktur sem söngvarinn og leikarinn Meatloaf hét í raun Marvin Lee Aday. Hann lést með eiginkonu sína, Deborah, sér við hlið.
„Við vitum hversu mikils virði hann var ykkur og við kunnum að meta alla þá ást og stuðning sem við höfum fengið á þessum sorgartímum,“ segir í yfirlýsingu sem fjölskylda hans sendi frá sér: „Beint frá hjarta hans til huga ykkar – aldrei hætta að rokka!“
Fyrsta hljómplatan hans, Bat Out of Hell, sem kom út árið 1977 er ein mest selda plata sögunnar í Bandaríkjunum en hún seldist í yfir 43 milljónum eintaka.