Leikkonan og goðsögnin Betty White lést þann 1. janúar síðastliðinn, þá 99 ára gömul.
Sjá einnig: Hin ástsæla Betty White látin rétt fyrir 100 ára afmælið
Í gær hefði leikkonan átt 100 ára afmæli og deildi fyrrum aðstoðarkona hennar mynd af henni í tilefni dagsins. Þetta er með síðustu myndunum af Betty áður en hún dó.
„Hæ allir saman! Þetta er Kiersten, aðstoðarkona Betty. Ég vildi deila mynd á þessum sérstaka degi. Myndin var tekin 20. desember 2021. Ég held að þetta sé með síðustu myndunum af henni. Það geislaði af henni og hún var jafn falleg og hamingjusöm eins og alltaf.“
„Ég vil þakka þeim sem eru að gera fallega hluti í dag og á hverjum degi til að gera heiminn að betri stað,“ skrifaði Kiersten.