Áhrifavaldurinn Camilla Rut vill að enginn fari inn í helgina með brúnkurkemsslys á höndum og fingrum – og gefur því góð ráð um hvernig er best að bera það á sig

Í myndbandi á TikTok og Instagram sýnir hún hvaða tækni hún notar fyrir þetta svæði, en eins og allir sem hafa notað brúnkukrem vita þá eiga hendurnar og fingurnir til að vera hundleiðinlegt svæði til að bera á og brúnkan sjaldnast jöfn þar.

En Camilla hefur fundið lausnina og deilir með öðrum.

„Það er algjörlega óþarfi að fara inní helgina með brúnkuslys á höndum og fingrum elskurnar, hér hjálpumst við bara að,“ segir áhrifavaldurinn í færslu á Instagram.

„Mitt helsta ráð til þessa er að brúnka kroppinn eins og ég geri vanalega, geyma svo fingurnar þar til síðast og byrja svo ballið.

1. Ég set doppu af sjálfsbrúnkunni á handarbakið með annarri doppu af góðu rakakremi
2. Nudda öllu saman eins og ég myndi gera með venjulegum handáburð, það er smá drullumall en ekki vera feimin, bara halda áfram að nudda þar til þetta er orðið nokkuð jafnt
3. Ég er svo búin að undirbúa rakt handklæði á flatt yfirborð, klósettlokið er fínt og þurrka svo innan úr lófunum í handklæðið svo það festist ekki brúnka inní lófunum.
4. Kviss bamm búmm, ekkert brúnkuslys hér á bæ.“

 

View this post on Instagram

 

A post shared by CAMY (@camillarut)

Brúnkukremsráð Camillu hefur slegið í gegn á samfélagsmiðlum og samtals yfir 2200 manns líkað við það. Hvað segja lesendur, á að prófa þetta næst?