Chloe Cherry leikur Faye í nýju þáttaröð „Euphoria“ sem HBO Max sýnir. Hún segist ekkert skilja í þessari svakalegu athygli sem varir hennar virðast fá, en mikið er gert grín að stóru vörum hennar og mikið af því er andstyggilegt.
Þetta er fyrsta verkefnið sem Chloe fær á leikferli sínum en hún er ekki óvön myndavélinni þar sem fyrir „Euphoria“ lék hún í klámmyndum.
Sjá einnig: Beint úr klámmyndaleik í eina vinsælustu þáttaröðina hjá HBO
Útlit Chloe hefur verið á milli tannanna á fólki frá fyrsta þætti og fær hún ljót skilaboð um það, sérstaklega varðandi varastærð hennar.
how faye’s lips look like this episode #Euphoria pic.twitter.com/dKqlNlXAnr
— josue 🖤 (@swaytpwk) February 21, 2022
faye better open her jumbo lips and say something to fezco #Euphoria pic.twitter.com/ZRoV1R9u2O
— juma (@iamnothscox94) February 22, 2022
Í nýlegu viðtali sagðist hún ekkert botna í þessari athygli og áður en hún lék í „Euphoria“ hafði hún aldrei fengið slík viðbrögð.
„Mínar fimmtán mínútur af frægð hafa verið jákvæðar og mér hefur liðið mjög vel. Það er óraunverulegt að fá að heyra það frá svo mörgum að þeir elska mig í þættinum, alveg virkilega,“ sagði hún við Variety.
„En á sama tíma er alveg klikkað hversu margir tala um hversu stórar varir mínar eru. Ég hef séð fjölda fyrirsagna, færslna og athugasemda um varir mínar og það er alveg súrrealískt,“ sagði hún.
„Þetta er ruglað því þú verður að átta þig á því að ég fékk mér þessar varir á einhverjum tímapunkti í lífi mínu og enginn brást svona við, allavega ekki svo ég sá til. Þannig það er skrýtið að sjá „memes“ og annað um það, því þetta er líkami minn sem er til umræðu, og ég skildi ekki alveg hversu mikið mál þetta væri.“
Chloe sagðist vera búin að sætta sig við það að þetta sé hluti af því að vera í sviðsljósinu. „Ég sver það, enginn í lífi mínu sagði: „Vó Chloe, þessar varir eru klikkaðar.“ En ætli þetta gerist ekki þegar maður verður þekktari.“
