Davíð Snær Jónsson, framkvæmdastjóri bílaleigunnar Nordic Car Rental, skrifaði færslu á Twitter um sósíalisma og fátækt. Tíst hans hefur ollið talsverðu fjaðrafoki og hefur skapast mikil umræða í kjölfarið um fátækt hér á landi og meinta forréttindablindu hinna betur settu.
„Í sinni einföldustu mynd, þá trúa sósíalistar ekki á, að fátækt fólk geti lyft sér upp úr fátækt. Ég hef trú á einstaklingnum og öllu því sem hann hefur fram að færa,“ eru orðin sem Davíð Snær lét falla og varð allt vitlaust í kjölfarið.
Nokkrir þjóðþekktir Íslendingar blönduðu sér í málið, þar á meðal athafnamaðurinn Sigmar Vilhjálmsson, sem reiddi hátt til höggs en missti gjörsamlega marks.
Sorglegt að sjá unga menn trúa svona bulli í alvöru. Þú átt eftir að ná sama árangri í lífinu og í fótbolta með þetta viðhorf til fólks. pic.twitter.com/IdKiRgGiGa
— Simmi Vil (@simmivil) September 8, 2021
Vissulega nokkuð þétt grillun en illu heilli fyrir Sigmar var um alnafna Davíðs Snæs að ræða. Sigmar var þó ekki af baki dottinn.
Þetta er bara vitlaus afstaða. Trú er goð og gild, en í samfélagi þá eigum við öll að gera það sem við getum til að hlaupa undir bagga. Það nær enginn árangri í lífinu án annara. Enginn!
— Simmi Vil (@simmivil) September 8, 2021
Sindri Geir, sóknarprestur á Akureyri, sagðist mæta fátæku fólki nánast daglega í sínu starfi.
Ég mæti fátæku fólki nánast daglega í mínu starfi, það er duglegasta og úrræðabesta fólk sem til er. Hvernig myndir þú lifa með 40-60þ kall fyrir öll útgjöld út mánuðurinn þegar búið er að greiða leigu? Með kannski tvö börn á heimilinu? Kerfið gefur þeim smugu á að lyfta sér upp.
— Sindri Geir (@sindrigeir) September 8, 2021
Slys, andleg veikindi, að alast upp við fátækt – þetta eru ekki bara hlutir sem maður lyftir sér uppúr. Það er fáránleg stéttblinda og hreint skeytingarleysi gagnvart fólki að segja bara „ég hef trú á þér-þú reddar þessu“, en skapa ekki aðstæður sem hjálpa fólki til sjálfshjálpar
— Sindri Geir (@sindrigeir) September 8, 2021
Jón Heiðar Ragnheiðarson, vörustjóri hjá Meniga og stofnandi ferðatímaritsins Stuck in Iceland, tjáði sig einnig um málið.
Sæll Davíð – ég kannast vel við að fátækt fólk geti lyft sér upp úr fátækt. Ég er sonur fátækrar einstæðrar móður sem gat lyft sér upp úr fátækt með fulltingi ókeypis heilbriðiskerfis, menntakerfis og velferðarkerfis.
— Jón Heiðar Ragnheiðarson (@Jonheidar) September 8, 2021
Kolbrún Birna H. Bachmann, baráttukona gegn kynbundnu ofbeldi, minnti á að fátækt væri ekki val.
Góður tími til að minna á að fátækt er ekki ~val~
— Kolbrún Birna (@kolla_swag666) September 9, 2021
Óskar Steinn, stjórnmálafræðingur, leikskólaleiðbeinandi og frambjóðandi Samfylkingarinnar í Suðvesturkjördæmi, sagðist fara í ræktina svo hann geti lyft sér upp úr fátækt.
ég fer í ræktina svo ég verði nógu sterkur til að geta lyft mér upp úr fátækt
— 🌏🌹 óskar steinn 🌹🌍 (@oskasteinn) September 9, 2021
Nafni hans, Sósíalistinn Óskar Steinn Gestsson, lét sig ekki vanta í umræðuna.
Ehh sko stefna okkar byggir bókstaflega á því að í sameiningu getum við lyft öllum upp úr fátækt, ekki bara handvöldum einstaklingum heldur öllum einstaklingum, líka þeim sem þú vilt ekki hjálpa. Það er kannski versti óvinurinn í þínum huga.
— Oskarsteinn Gestsson (@OskarsteinnG) September 8, 2021
Vinsæli Twitter-notandinn Haukur Bragason hafði þetta að segja og kom annar notandi Davíð til varnar.
Sorry vinur en ríkið tók þá ákvörðun um að fyrirtækið hans mætti ekki starfa með miklu fjárhagslegu tjóni fyrir hann. Eðlilega er ríkið bótaskylt í þeim tilfellum.
— T-pain (@GuTryggvi) September 8, 2021
Nokkrir netverjar spurðu hvernig fólk ætti að fara að því að lyfta sér upp úr fátækt.
koma svo… ég hef trúa á þér!
— ⚔️e’bеt 🇵🇸 (@jtebasile) September 8, 2021
Fleiri tíst um málið en netverjar virtust vera nær allir sammála því að vera ósammála Davíð.
Það er rétt hjá þér, en þú gleymir eða skautar hjá aðalatriðinu sem er það að í flestum tilfellum (hvort sem þú skilur það eða ekki) er fátækt gildra sem gengur í kynslóðir og skerðir ekki bara lífsgæði og gæði samfélagsins. Það þarf aðstoð úr gildrunni, það marg borgar sig
— Baronesse Von Hades (@hades_von) September 8, 2021
Það er rétt hjá þér, en þú gleymir eða skautar hjá aðalatriðinu sem er það að í flestum tilfellum (hvort sem þú skilur það eða ekki) er fátækt gildra sem gengur í kynslóðir og skerðir ekki bara lífsgæði og gæði samfélagsins. Það þarf aðstoð úr gildrunni, það marg borgar sig
— Baronesse Von Hades (@hades_von) September 8, 2021
Ég hef trú á fyrirtækjum að lyfta sér sjálfum upp úr fjárhagskröggum vegna heimsfaraldurs 😇
— Sólveig (@solveighauks) September 8, 2021
