Háskóli Íslands uppfærði nýlega merki skólans í takt við breyttar áherslur nýtímans. Frá breytingunni var greint fyrir helgi samhliða því að nýtt merki var tekið í notkun. Segja má að breytingin hafi farið þveröfugt ofan í landsmenn, í það minnsta ef marka má viðbrögðin á samfélagsmiðlinum Twitter.
„Í tilefni af afmæli HÍ og nýrri heildarstefnu skólans höfum við gert breytingar á myndmerki skólans. Enn er hið kunnuglega andlit mennta- og viskugyðjunnar Pallas Aþenu í fókus sem okkur þykir afar vænt um. Drættirnir hafa hins vegar verið einfaldaðir til að falla betur að stafrænni miðlun sem er orðin helsta birtingin á merkinu.
Þá höfum við breytt stafagerð í sama tilgangi og setjum nú HÍ í háskerpu sem er það heiti sem Íslendingar nota gjarnan um háskólann sinn, háskóla okkar allra. Litur HÍ er blár og í anda stefnunnar nýju um opinn háskóla sem vinnur þvert á einingar. Einn sterkur litur gefur þá mynd að Háskólinn sé án aðgreiningar og hindrana,“ skrifaði Jón Atli Benediktsson, rektor Háskóla Íslands í pistli til nemenda og starfsfólks sem birtist fyrir helgi.
Hvort merki Háskóla Íslands er fallegra?
— Ármann Jakobsson (@ArmannJa) September 20, 2021
Dr. Arngrímur Vídalín, aðjunkt í íslenskum bókmenntum segist vona að bara sé um tímabundna breytingu að ræða. „Ég vona að þetta sé bara tímabundið flipp og að við fáum aftur gamla fallega merkið okkar.“
Þó nokkrir hafa undanfarna daga deilt nýju merki skólans og lýst yfir vonbrigðum sínum með breytinguna. Velta því margir fyrir sér hvers vegna merkinu var breytt þar sem almenn ánægja ríkti um það.
— Kolbrún Birna (@kolla_swag666) September 20, 2021
— Svavar Sigurdarson (@SvS_Rev) September 21, 2021
Einn tístari segir að þetta hreinlega megi ekki viðgangast. „Þarf ekki að henda í mótmæli? Ekki má þetta viðgangast.“
Annar skrifar: „Aprílgabbið kom of seint/of snemma“
Enn annar sagðist hreinlega vera miður sín: „Þetta er hræðilegt… langar að fara að gráta“
Aðrir tjá sig bara með eins orða svörum: „Viðbjóður“, „Hörm“
Þó eru ekki allir ósáttir. Einn tístir að nýtt merki sé mun betra fyrir samfélagsmiðla og hitt hafi verið orðið nokkuð erfitt í notkun.
Þegar þú segir gamla merkið ertu að meina þetta sem var notað um það leyti sem ég byrjaði í HÍ í byrjun aldarinnar? pic.twitter.com/DpqQXnymqv
— Andri Egilsson (@andrieagles) September 20, 2021
En gagnrýnisraddirnar voru þó mun fleiri.
BA gráða frá HA 2007 með ljótt logo á prófskírteininu.
BSc frá VIA UC 2014 með ljótt logo á prófskírteininu.
MSc frá HÍ 2022… með ljótt fokking logo á prófskírteininu 😭Ég þarf að fara að velja mér smekklegri háskóla. https://t.co/KFAEE5SMbb
— Sólveig (@solveighauks) September 20, 2021
Nýja HÍ lógóið pic.twitter.com/nExfbItuV1
— Helgi á main (@HelgiJohnson) September 21, 2021
Ég er sammála þessari fullyrðingu en jafnframt finnst mér nýja HÍ lógóið hörmulegt
— Siggeir F. Ævarsson (@siggeirslayer) September 20, 2021
Nýja HÍ lógóið lítur út eins og lógó fyrir fyrirtæki í sjávarútvegi. Hörmung.
— Erna Agnes (@jiiiduddamia) September 20, 2021
Þau eru að gera þetta logo svona ljótt svo allir vilji einkarekna skóla
— Fannar Þór Einarsson (@fannarapi) September 20, 2021
Ég vaknaði í morgun við nýtt merki HÍ og ég bara skil ekkert. Ömurlega ljótt. Og meðan ég er að tuða að þá er rándýra heimasíða stjórnarráðsins ógeðslega ónotendavæn og ömó!
— að Vera pera 🇵🇸 (@knutsdottir) September 20, 2021
…Þetta er alveg ótrúlega ljótt. pic.twitter.com/FqFT11DrAG
— Katrín Vinther (@KatrinVinther) September 20, 2021
Það er löngu fullreynt með þennan tilgerðarlega Pallas-Aþenuhaus. Háskólinn ætti fyrir laungu að vera búinn að setjast niður með SÍNE og biðja um að fá að nota Sæmund á selnum sem sitt merki líka…
— Stefán Pálsson (@Stebbip) September 20, 2021
Nah, gamla merkið var ekki gott (lélegt Illustrator trace) og týpógrafían illa valin og léleg.
En nýja merkið er enn verra og viðvaningslegra.
— Bláa öndin (@blaaondin) September 20, 2021
Háskólinn virðist hafa tekið eftir gagnrýninni, en þegar áhrifavaldurinn Vilhelm Neto spurði hvers vegna hans teikning hefði ekki frekar verið fyrir valinu sem nýja merkið þá svaraði Háskólinn að það hefði vel komið til greina – hefði hugmyndinn komið fram ögn fyrr.
þið getið ekki bara rtað þessu og látið eins og þetta sé skondið. eyðið þessu nýja merki https://t.co/tRVhomW8VL
— karl olafur🏋🏼♂️&🧘🏼♂️ (@kirsuberjabaka) September 21, 2021
Sigurvegarinn er fundinn! Hefði hugmyndin komið aðeins fyrr @VilhelmNeto 😂 https://t.co/6Znxpv4wkK
— Háskóli Íslands (@Haskoli_Islands) September 21, 2021
Á þriðjudaginn í næstu viku hefur verið boðað til hádegisfundar þar sem umræðuefnið er „Hvernig er staðið að því að uppfæra 110 ára gamalt vörumerki?“ Þar mun viðskiptafræðideild HÍ ræða um breytinguna á merki skólans og þær áskoranir sem því fylgja. Streymt verður beint frá fundinum og má finna streymið hér þegar þar að kemur.
