Íris Björk Tanya Jónsdóttir, eigandi Vera Design skatgripamerkisins, hefur sett lúxusheimili sitt í Vesturbænum á sölu. Íris Björk er mikill fagurkeri og ber íbúðin þess skýr merki. Þar er bæði innréttingar og innbú hið smekklegasta. Fréttablaðið greindi fyrst frá.
Eignin er hæð og ris í þríbýlishúsi og verður að segja að að drjúpi lúxus af hverju strái. Eignin hefur verið töluvert endurnýjuð með mjög smekklegum hætti. Hún er skráð sjö herbergja enda hvorki meira né minna en þrennar stofur, tvö baðherbergi og fjögur svefnherbergi.
Svo eru ekki tvennar heldur þrennar svalir. Og það er ekki allt! Stærstu svalirnar eru stórar þaksvalir og þar er heitur pottur. Ef það er ekki lúxus þá held ég að blaðamaður sé að misskilja hvað felst í því orði og í guðanna bænum ekki leiðrétta þann misskilning. Við eigum öll skilið heitan pott á þaksvölum.
Hræddur við myrkrið? Engar áhyggjur því það er LED-lýsing í þrepinu við heita pottinn.
