Rebecca Butcher, 23 ára, kölluð Becca, fæddist með sjaldgæfan fæðingargalla, Poland‘s Syndrome, sem veldur því að annað brjóst hennar stækkaði ekki við kynþroska. Brjóst hennar eru því ósamhverf. „Hægra brjóst mitt er í skálastærð D og hitt er í A,“ segir Becca í nýlegum þætti af Shake My Beauty frá vefmiðlinum Truly.
Þó svo að Becca sé hamingjusöm í eigin líkama í dag þá hefur hún ekki alltaf verið það. Um tíma var hún svo óörugg vegna stærðarmunarins að hún forðaðist myndavélar og klæddist aðeins þykkum og víðum klæðnaði.
View this post on Instagram
Becca segir að það sé mikill munur á því hvernig henni líður gagnvart sér núna og áður. Í dag er hún það sátt í eigin skinni að hún hafnaði boði um að koma í „lagfæringu“, henni að kostnaðarlausu. Hún vill sýna öðrum konum og ungum stelpum að það sé hægt að vera „hamingjusöm og með eitt brjóst.“
Þegar hún var að vaxa úr grasi leið henni eins og hún væri ein og þess vegna er hún að deila sinni reynslu. Hún heldur úti vinsælli Instagram-síðu og er hætt að fela sig á bak við víðar peysur. Hún vill að aðrar stelpur sem fæddust með sama fæðingargalla viti að þær séu ekki einar.
Horfðu á innslagið hér að neðan.
