Ungur karlmaður leitar til Dear Deidre, kynlífs- og sambandsráðgjafa The Sun. Hann er í sambandi. En það er ekki vandamálið, heldur með hverjum hann er í sambandi.

„Ég er í sambandi með frænku minni en ég er hræddur við að skuldbinda mig henni ef fjölskyldan verður æf,“ segir hann.

„Þetta byrjaði sem eitthvað skemmtilegt eftir að ég og kærasta mín til sjö ára hættum saman. Ég og frænka mín höfum alltaf verið náin. Feður okkar eru bræður og sem börn eyddum við miklum tíma saman,“ segir hann í bréfi sínu til Dear Deidre.

Hún er 29 ára og hann er 31 árs.

„Eftir að kærasta mín hætti með mér þá bauð frænka mín mér út í drykki til að reyna að hressa mig við. Hvorugt okkar höndlar áfengi vel þannig við ákváðum að fara snemma heim áður en við urðum okkur til vandræða. Frænka mín var að daðra aðeins við mig á leiðinni heim, hún hrósaði mér fyrir útlit mitt og sagði að fyrrverandi mín hefði gert mistök að hætta með mér. Hún knúsaði mig við dyrnar og sagði aftur hversu frábær ég er. Mér hefur alltaf fundist hún heit, þannig ég kyssti hana. Hún kyssti mig til baka og þetta var mjög ástríðufullt. Við enduðum með að stunda kynlíf og það var frábært. Hún var mun öruggari í svefnherberginu en ég bjóst við og var ákveðin í því að láta mér líða vel.

Daginn eftir ákváðum við að þetta myndi aldrei gerast aftur. En í hvert skipti sem annað okkar fékk sér í glas, þá heyrðum við í hvort öðru og hittumst í lok kvölds.“

Maðurinn segir að þau hefðu ákveðið að vera „vinir með fríðindum.“

„Nokkrum vikum seinna sagðist hún bera tilfinningar til mín og mér leið eins. Nú höfum við verið saman í þrjú ár og höfum verið í sambúð, án þess að segja nokkrum, á meðan kórónuveirufaraldurinn hefur verið.“

Maðurinn segir að frænka hans sé tilbúin að segja fjölskyldu sinni sannleikann en hann er dauðhræddur um að segja sinni.

„Ég er viss um að þetta er ekki það sem mamma hefur í huga þegar hún talar um framtíðareiginkonu mína,“ segir hann.

Ekki ólöglegt í Bretlandi

Deidre svarar manninum. „Hver móðir er með hugmynd um hvað hún vill fyrir barnið sitt, en þetta er þín ákvörðun. Þú ert ekki að gera neitt rangt með því að vera í sambandi með frænku þinni. Í Bretlandi er löglegt að eiga í rómantísku sambandi og giftast frændfólki. En því miður þýður það ekki að fjölskylda þín muni samþykkja það.

Vertu hreinskilinn. Viðbrögð þeirra munu aðeins fara versnandi með tíma.“