Hjónin Íris Ann Sigurðardóttir ljósmyndari og Lucas Keller matreiðslumaður, eigendur The Coo Coo’s Nest og blómabarsins Lúnú Flórens hafa sett heimili sitt á sölu. Heimili þeirra er litríkt og lifandi eins og þau sjálf.

Plöntur og listaverk eru áberandi á heimilinu sem er ekki að undra þar sem þau eru reglulega með listasýningar á The CooCoo’s Nest og reka einning blómabarin Lúnu Flórens þar sem fást heilsusafar og litríkir kokteilar í bland við plöntur, bækur, ilmkerti og kristalla.

Íbúðin er staðsett á besta stað í bænum á Vesturgötu, steinsnar frá Grandanum, rétt við bakaríið Brikk og ská á móti J-L húsinu. Íris og Lucas keyptu íðuðina af tónlistarmanninum Jóni Jónssyni og eiginkonu hans Hafdísi Björk Jónsdóttur en þau bjuggu þó aldrei í íbúðinni.

Hjónin eru mikið gourmet-fólk og tóku eldhúsið í gegn fyrir tveimur árum sem er opið og bjart með flotuðum vegg og gólfi. Íbúðin er er 91 fermeter og er ásett verð 51,9 milljónir.
Sjá nánar hér.