Rétturinn á endurgerð af kvikmynd Thomas Vinterberg, Druk, hefur verið seldur til framleiðanda í Hollywood. Deadline greinir frá.
Barist var um réttinn á uppboði en fyrirtækið Appian Way, fyrirtæki Leonardo DiCaprio, vann það að lokum og er hann talinn ætla að fara með hlutverk Martin í endurgerðinni. Hinn sjóðheiti Mads Mikkelsen fór með hlutverk hans í upprunalegu útgáfunni sem kom út í fyrra og fékk hann mikið lof fyrir leik sinn.
Myndin fékk Óskarsverðlaun í ár fyrir bestu erlendu kvikmyndina og var Vinterberg tilnefndur sem besti leikstjórinn. Þegar Vinterberg tók við verðlaununum tileinkaði hann þeim dóttur sinni sem lést í bílslysi stuttu eftir að tökur á kvikmyndinni hófust.
Vinterberg er sagður hafa selt réttinn til fyrirtækis DiCaprio vegna þess að hann vildi sjá hvernig leikarinn myndi bera sig í aðalhlutverki sem þunglyndur, miðaldra kennari sem er í tilvistarkreppu.
Myndin er enn í sýningu hér á landi en hægt er að sjá hana í Bíó Paradís.