Boogie-Woogie píanósnillingurinn Ben Waters kemur til landsins og leikur á tónleikum í Húsi máls og menningar, Laugavegi 18, föstudaginn 29. október klukkan 20:00.
Honum til halds og trausts leikur undir hjá honum hljómsveit Begga Smára, Bex Band. Waters mun einnig koma fram sem sérstakur gestur á vikulegu blús/boogie woogie kvöldi Dillon fimmtudaginn 28.október klukkan 21:00. Það var einmitt á slíku kvöldi árið 2017 sem hann kynntist íslensku tónlistarsenunni fyrst en þá kom hann þar við með syni sínum, Tom Waters, saxófónleikara.
Þá verður Waters einnig gestur á Guitarama í Bæjarbíói og mun halda sólónleika á Bárunni Brugghúsi laugardaginn 30.október klukkan 14:00.
Ben Waters er hluti af hljómsveit Rolling Stones goðsagnarinnar Ronnie Wood (Ronnie Wood & his Wild Five) en
sú sveit gaf nýlega út plötuna Mr Luck, sem var tekin upp live í Royal Albert Hall. Á henni komu einnig fram tónlistarmenn eins og Paul Weller, forveri Wood í Rolling Stones, Mick Taylor og Mick Hucknall.
Lengi vel starfrækti Waters lengi sveitina A,B,C & D of Boogie-Woogie með Charlie Watts, en hann féll frá fyrir skömmu.
Upphaf samstarfs hans og meðlima Rolling Stones má rekja til útgáfu plötunnar Boogie 4 Stu, sem er tileinkuð Ian Stewart einum af stofnendum Rolling Stones en á þeirri plötuléku allir núverandi og fyrrverandi meðlimir Stones.
Hann kemur reglulega fram hjá Jools Holland á BBC enda skarast áhugi þeirra tveggja í boogie-woogie og þá er hann í verkefni með Jeff Beck um þessar mundir.
Mikil tónlist er í fjölskyldu hans en eins og áður segir er Tom Waters sonur hans mikill saxófón snillingur og koma þeir feðgar gjarnan fram saman. Svo kemur Waters gjarnan fram með tónlistarkonunni PJ Harvey en þau eru systkinabörn.
Ben spilar kraftmikið boogie-woogie og rokk og ról í anda gömlu meistaranna og er rómaður fyrir einstaka nálgun á tónleikum þar sem gestir taka mikinn þátt.