Bandarísk brúður deildi nokkrum fallegum og hjartnæmum myndum frá brúðkaupsdeginum. Í stað þess að fá hamingjuóskir fékk hún holskeflu ljótra athugasemda og var fjölskylda hennar sökuð um að þvinga hana í hjónaband.
Megan Livingstonn, 21 árs, gekk í það heilaga í fyrra. Hún deildi nýverið myndböndum frá deginum á TikTok. Í sumum þeirra er hún grátandi, stundum hágrátandi, og segir Megan að þurfi að „normalisera að konur gráti þegar þær ganga upp að altarinu.“
„Hver grét líka upp að altarinu?“ spurði Megan netverja og tók það fram að þetta væru „gleðitár“ frá „tilfinningaríkri brúður.“
@megan_livingstonnWho else cried walking down the aisle? #tearsofjoy #weddingtiktok #marriagegoals #emotionalbride #weddingcrier♬ More Than A Woman – SG’s Paradise Edit – Bee Gees & SG Lewis
Á meðan sumar konur tóku undir með Megan og sögðust sjálfar hafa farið grátandi upp að altarinu þá höfðu margir áhyggjur af henni og óttuðust að hún hefði verið þvinguð í hjónaband miðað við hvernig hún grét.
„Hún lítur út fyrir að vera rosalega sorgmædd, þetta líta ekki út fyrir að vera gleðitár,“ segir einn netverji.
„Var þetta skipulagt hjónaband?“ segir annar.
@megan_livingstonnI promise I was happy and not forced🥰💍✨ ##weddingtiktok ##marriagegoals ##tearsofjoy ##emotionalbride♬ Careless Whisper – George Michael
Í öðru myndbandi svarar Megan fyrir sig og segir að það sé komið gott af ljótum athugasemdum. Fólk var að segja að grátur hennar væri „of mikill“ og að þetta liti út fyrir að vera „þvingað hjónaband.“
Sumir héldu því meira að segja fram að hún hefði „eyðilagt“ brúðkaupsmyndirnar með því að gráta svona mikið.
„Já ég grét upp að altarinu en ég var hamingjusöm. Ég var ekki þvinguð í hjónaband,“ segir hún í öðru myndbandi.
@megan_livingstonnReply to @keathleej022 Here are the pics I “ruined lol for those of you who are new ##weddingtiktok ##marriagegoals ##emotionalbride ##tearsofjoy♬ ily (i love you baby) – Surf Mesa
