Harry Styles og Olivia Wilde eru nýjasta par Hollywood. Samkvæmt fjölmiðlum vestanhafs hafa þau verið að stinga saman nefjum í nokkurt skeið en síðastliðna helgi fóru þau saman í brúðkaup og sást til þeirra haldast í hendur. Page Six greinir frá.
Tónlistarmaðurinn Harry Styles, 26 ára, og leikkonan Olivia Wilde, 36 ára, fóru saman í brúðkaup umboðsmanns þess fyrrnefnda, Jeff Azoff. Hér má sjá mynd af þeim haldast í hendur.
Harry og Olivia vinna saman um þessar mundir við spennutryllirinn Don‘t Worry Darling. Olivia er bæði leikstjóri og framleiðandi myndarinnar og fer Harry með hlutverk í henni.
Samkvæmt heimildarmanni E! News hegðuðu Olivia og Harry sér eins og par í brúðkaupinu og deildu hótelherbergi. Annar heimildarmaður sagði að Olivia og Harry hafa verið að hittast í einhvern tíma og hafa þeirra nánustu vinir vitað af því í nokkrar vikur.
Olivia var áður í sambandi með leikaranum Jason Sudeikis. Þau voru trúlofuð í sjö ár og eiga saman tvö börn. Þau greindu frá því í nóvember að þau höfðu sagt skilið við hvort annað fyrr á árinu en færu saman með forræði yfir börnunum og það gengi vel.
