Anthony Loffredo er 32 ára maður frá Frakklandi. Hann hefur húðflúrað meirihluta líkama síns með svörtu bleki, meira að segja augnhvíturnar. Hann hefur látið klippa tungu sína í tvennt, allt til að líkjast „svartri geimveru.“ The Mirror greinir frá.
Nýjustu breytingarnar sem Anthony hefur gert á líkama sínum hafa vakið talsverða athygli, enda ótrúlega sjaldgæft að einhver breyti andliti sínu á þennan hátt, í sumum löndum er það einfaldlega ólöglegt.
Anthony lét fjarlægja nef sitt og efri vör. Hann hefur verið duglegur við að leyfa fylgjendum sínum á Instagram að fylgjast með ferlinu. Á dögunum svaraði hann spurningum fylgjenda og viðurkenndi að hann eigi nú í erfiðleikum með tal eftir nýjustu breytingarnar. Það hefur þó ekki breytt því að Anthony ætlar að halda ótrauður áfram. Hann segist láta sig dreyma um að fjarlægja húðina sína alfarið og skipta henni út fyrir málm.
Næstu líkamshlutar sem hann langar að breyta eru handleggir, fótleggir, fingur og hnakkinn.
View this post on Instagram
View this post on Instagram
Anthony tjáði sig um útlitsbreytingar sínar við franska tímaritið Midi Libre árið 2017. Hann sagði að hann hefði verið „ástríðufullur um umbreytingar frá unga aldri“. Þegar hann var á þrítugsaldri og starfaði sem öryggisvörður, áttaði hann sig á því að hann væri ekki að lifa lífinu sem hann vildi.
„Ég hætti öllu þegar ég var 24 ára og fór til Ástralíu,“ sagði hann. Samkvæmt Instagram er hann nú staddur í Frakklandi.
View this post on Instagram
View this post on Instagram
