Ung kona að nafni Ava Louise fær ekki að mæta í næstu boð hjá fjölskyldunni sinni. Ástæðan er sú að amma hennar fann OnlyFans aðganginn hennar. The Sun fjallaði um málið en Ava sagði frá þessu á TikTok-síðu sinni.

„Þú mátt ekki koma í fjölskylduboðið um páskana,“ sendi móðir Louise á hana. Þegar Louise spurði hvers vegna ekki sagði móðir hennar að amma hennar og frænka hefðu fundið OnlyFans aðganginn og borgað til að sjá hvað er þar inni.

Síðan OnlyFans.com hefur verið til talsverðar umræðu upp á síðkastið en síðan er hvað þekktust fyrir nekt og kynæsandi myndir sem hægt er að sjá gegn því að keypt er áskrift. Ava heldur uppi aðgangi á síðunni og er þar með nektarmyndir af sér.

Ava ákvað þá að slá til baka í næstu skilaboðum til móður sinnar. „Segðu ömmu að ég þakka fyrir peninginn frá henni,“ sagði Ava. „Þetta er meira en hún hefur gefið mér í mörg ár, ég man ekki hvenær ég fékk síðast 20 dollara í jólakorti.“

Yfir 4 milljónir manns hafa nú horft á myndbandið þar sem Ava segir frá þessu. „Ég er að hlægja svo mikið,“ sagði Ava í myndbandinu.

Ava deildi síðan framhaldsmyndbandi þar sem hún sýndi í hverju hún ætlar að mæta í næsta fjölskylduboð. „Ég ætla að vera nákvæmlega svona,“ sagði hún en hér fyrir neðan má sjá skjáskot úr myndbandinu.