Marcela Alonso frá New York er Instagram-fyrirsæta með hundruð þúsunda fylgjenda. Hún þénar nú þegar milljónir á ári fyrir fyrirsætustörfin en ákvað að drýgja tekjurnar með óvenjulegum hætti eftir fjölda fyrirspurna frá aðdáendum.
Hún fékk ítrekað fyrirspurnir frá aðdáendum sem vildu ólmir fá að kaupa fatnað sem hún hafði klæðst. „Ég hef fengið hundruð fyrirspurna þar sem aðdáendur spyrja hvort þeir megi kaupa fötin mín. Einn keypti meira að segja illa lyktandi gamlan íþróttatopp af mér á tæpar þrjátíu þúsund krónur.“
Hún fær sérstaklega vel borgað fyrir óhreinar nærbuxur, eða allt að 15 þúsund krónur. „Því skítugri sem þær eru, því hraðar seljast þær. Meirihlutinn af fötunum sem ég klæðist í myndatökum selst nánast um leið og ég birti myndirnar. Aðdáendur geta ekki beðið eftir því að koma höndunum yfir kynþokkafullu fötin mín.“
Furðulegasta flíkin sem hún hefur selt eru notaðir inniskór. Aðdáandi bað hana um að nota þá í nokkra mánuði fyrst. „Ég varð bara við því. Ég notaði þá heima hjá mér á meðan ég slakaði á og sinnti heimilisstörfum. Aðdáandinn varð afar lukkulegur. Ég veit ekki hvort hann ætlaði að klæðast þeim sjálfur en ég er með mjög litla fætur svo ég veit ekki hvort þeir hefðu passað.“
