Fyrirsætan Marcela Iglesias opnaði sig á dögunum um leyndan hæfileika sinn en sá hæfileiki er nokkuð óvenjulegur. Marcela getur nefnilega fengið fullnægingu með hugaraflinu einu. The Sun fjallaði um málið.

Marcela heldur því fram að hún sé í svo góðu sambandi við líkamann sinn og því geti hún fengið fullnægingu með því einu að hugsa um það. Hún er á þeirri skoðun að það sé betra en að stunda samfarir eða sjálfsfróun.

„Ég þarf ekki að vera snert til að finna fyrir spennu. Andrúmsloftið er mjög mikilvægt en hugurinn minn stjórnar þessu öllu saman, ég get ferðast þangað sem ég vil með honum.“

Fyrirsætan hætti að borða kjöt og drekka áfengi en hún telur að það hafi hjálpað til við að fullkomna tæknina. „Ég vildi vera eins tær og mögulegt er svo ég gæti opnað hugann minn í mismunandi aðstæðum,“ segir hún.

Það er þó ekki bara hugurinn sem hjálpar henni að fá fullnægingu heldur fékk hún líka svokallaða PRP sprautu sem hjálpar henni. „Ég er algjörlega næmari þarna niðri, ég myndi mæla með þessu fyrir hvern sem er. Þegar þetta kemur saman með ímyndunaraflinu mínu þarf ég ekki að snerta sjálfa mig eða stunda samfarir til að fá fullnægingu.“