DV fékk ábendingar víða að um hvaða konur væru á lausu og hér eru þær, eldklárar og eftirsóttar! Skyldi ástin koma með vorvindunum, Tinder eða blíðu brosi yfir eplastandinum í Hagkaup? Einfallt hæ getur verið byrjunin á einhverju stórkostlegu hvort sem viðkomandi þekkir manneskjuna eða ekki.
Sara Jóns – Mynd: Saga Sig
SARA JÓNS
Sara Jónsdóttir markaðs- og viðskiptafræðingur og hönnuður er ákaflega skemmtileg kona. Hún starfaði sem stjórnandi HönnunarMars um árabil og hefur komið að hönnun ýmissa veitingastaða og hinna vin-sælu bakaría Brauð & Co. Sara á hlut í Kaffi Vest og þykir ákaflega skörp bæði þegar kemur að viðskiptum og því að fegra umhverfið.
Heiða í Nikita. Mynd: Skjáskot Facebook
HEIÐA Í NIKITA
Heiða Birgisdóttir fatahönnuður – oft kennd við Nikita, er á lausu. Heiða er afburða listakona sem stofnaði fyrir rúmum 20 árum brettafatafyrirtækið Nikita ásamt þáverandi eiginmanni sínum. Síðan þá hefur hún meðal annars starfað hjá Cintamani. Heiða er mikil áhugamanneskja um snjóbretti og fjallamennsku.
Mynd: Instagram
ERNA ÞRASTAR
Flugmaðurinn Erna María Þrastardóttir býr sem stendur í Portúgal þar sem hún starfar sem flugkennari en hún starfaði áður fyrir Icelandair og SAS. Erna er skörp, áreiðanleg og hrikalega skemmtileg. Erna kemur úr um-hverfi sterkra kjarnakvenna en hún er dóttir Regínu Ástvalds sviðsstjóra Velferðarsviðs hjá Reykjarvíkurborgar og eldri systir fatahönnuðarins Ýrar Þrastardóttur.
Mynd: Facebook
MARÍA KLARA
María Klara Jónsdóttir lögmaður er sjarmakempa. Hún er útivistarkona af guðs náð og stundar hjól-reiðar af kappi. María Klara er eldklár og hræðist ekki áskoranir. Kona sem mun láta kveða að sér í framtíðinni.
Mynd: Úr safni
SÓLBORG GUÐBRANDS
Sólborg Guðbrandsdóttir tónlistarkona, fyrirlesari og lög-fræðinemi er óhrædd við að láta til sín taka. Hún heldur úti síðunni favitar.is og hefur enga þolin-mæði fyrir fávitaskap. Sólborg er frá Keflavík, er áhugaleikkona og með töff fatastíl.
Mynd: Skjáskot Instagram
KRISTÍN BJÖRK
Kristín Björk Þorvaldsdóttir flugfreyja, kamelljón og eldhúsdíva er ein af þeim konum sem virðist geta skipt um ham eftir aðstæðum og tækifærum. Hún er elskar útiveru hvort sem það eru göngur, skíði, veiði eða golf. Kristín er líkleg til afreka í eldhúsinu eins og girnilegar myndir á samfélagsmiðlum sýna. Fagurkeri með góða bragðlauka.
Mynd: Facebook
DAGBJÖRT REGINS
Dagbjört Reginsdóttir eða Dæja eins og hún kölluð er læknir og stundar sérnám í geðlækningum. Hún starfar á Landspítalanum og kemur úr sannkölluðu kvennaveldi en hún á fjórar systur og einn bróðir. Systur hennar hafa allar látið til sín taka á hinum ýmsu sviðum og eru annálaðar smekkkonur með breið bros. Dagbjört er úr Hafnarfirði og býr þar ásamt börnum sínum þremur. Metnaðarfull og stórglæsileg kona.
Mynd: Facebook
BIRNA DRÖFN JÓNASDÓTTIR
Blaðakonan Birna Dröfn Jónasdóttir skartar guðdóm-legu rauðu hári, skopskyni sem kippir svo sannarlega munnvikunum í rétta átt og fatastíl sem tekið er eftir. Birnu má oft rekast á í miðbænum þar sem hún starfar en hún sést gjarnan í hádegismat á lekkerum stöðum miðborgarinnar.
Mynd: Facebook
UNA JÓNS
Una Jónsdóttir, hagfræðingur hjá Landsbankanum, er súper góð í hagfræði og fræðir okkur reglulega um húsnæðismarkaðinn í fjölmiðlum og þykir koma vel fyrir. Una starfaði áður hjá Íbúðalánasjóði og stóð sig glimrandi vel. Una er útvistarkona sem hleypur og hendir sér á gönguskíði. Una festi nýlega kaup á Jimny jepplingi til þess að geta elt ævintýrin enn frekar.
