Lögreglan Víetnam komst að ansi ógeðfelldu leyndarmáli er hún gerði húsleit í verksmiðju þar í landi. Þar voru notaðir smokkar þrifnir og þurrkaðir til þess að hægt væri að selja þá aftur. The Mirror greinir frá þessu.

300 þúsund smokkar fundust í leit lögreglunnar, enginn þeirra merktur eða í sérstakri pakkningu. Þó er talið að enn fleiri smokkar hafi verið í spilinu.

Eigandi húsnæðisins þar sem að þetta fór fram hefur viðurkennt verknaðinn. Talið er að hann hafi fengið stóra sendingu af smokkum vikulega, sem hann hafi svo þvegið. Þar á eftir hafi þeir verið seldir til almennings sem ekkert grunaði um „fyrra líf“ smokkana.

Notkun á notuðum smokkum þykir ekki öruggt, en það getur valdið sýkingum og kynsjúkdómum.

Talið er að heimsfaraldur kórónaveiru hafi haft mikil áhrif á sölu og framleiðslu smokka um allan heim og gæti það verið undirliggjandi ástæða „endursölurnar“ í Víetnam.

Ágætt er að taka fram að kórónaveiran hefur fundist í sæði, en þó er ekki vitað hvort að það sé smitandi.