Internetið er til margs brúklegt. Það hefur fært fjarlæga staði nær, einfaldað alþjóðleg viðskipti, aukið þekkingu jarðarbúa og nú, hefur það fært okkur Alþingi Íslendinga eins og við höfum aldrei séð það áður.
Brynjólfur Sveinn Ívarsson birtir í Facebookhópnum Algjörlega óáhugaverðar stjórnmálaupplýsingar myndir af þingmönnum í hlutverki hins kynsins. Brynjar bendir á að þetta sé auðvitað til gamans gert fyrst og fremst. App hafi séð um vinnuna við að breyta kyni þingmannana og niðurstaðan er eins og er. Við látum myndirnar tala sínu máli en þær eru birtar með góðfúslegu leyfi Brynjólfs.
Á það hefur reyndar verið bent að Bjarni líkist með eindæmum fyrrum varaþingmanni Vinstri grænna, Auði Lilju Erlingsdóttur og spyr einn glöggur félagsmaður Facebook hópsins hvort þau hafi nokkurn tímann sést á sama stað á sama tíma.
Jón Þór Ólafsson, þingmaður Pírata tók saman góða mynd af þingflokki Pírata og birti með skilaboðunum: „Snilld“
Fleiri myndir og óáhugaverðar stjórnmálaupplýsingar má nálgast á Facebook hópnum, Óáhugaverðar stjórnmála upplýsingar.
Til gamans má geta að hér með eru konur í meirihluta á Alþingi, og er það í fyrsta skipti.