Billie Eilish er ein vinsælasta söngkona samtímans, aðeins nítján ára gömul. Hún var sigursæl á Grammy-verðlaununum í byrjun árs og sópaði til sín öllum stærstu verðlaununum.
Billie nýtur einnig mikilla vinsælda á samfélagsmiðlum, hún er með um 73 milljón fylgjendur á Instagram. En hundráð þúsund manns ákváðu að hætta að fylgja stjörnunni eftir að hún birti mynd í Instagram Story. Myndin var af teikningu sem hún hafði gert, þar mátti sjá nokkra nakta kvenlíkama bregða fyrir.
Billie hefur gaman af því að teikna og var að deila með aðdáendum sínum mynd af teikningu sem hún væri stolf af. Billie deildi myndinni, sem má sjá hér að neðan, og skrifaði með:
„Þessi örugglega, lol ég elska brjóst.“
Hún deildi síðan skjáskoti af lásskjá símans síns (e. lock screen) og þar mátti sjá fleiri nakta kvenlíkama.
Glöggur aðdáandi stjörnunnar tók eftir því að Billie missti hundrað þúsund fylgjendur eftir að hún birti myndirnar.
Aðdáandinn vakti athygli á þessu á Instagram og deildi tveimur skjáskotum, sem eru tekin með hálftíma millibili.
View this post on Instagram
Billie hafði sjálf gaman af þessu og kallaði fyrrum fylgjendur sína börn.
Fjöldi fjölmiðla hafa fjallað um málið, eins og Cosmopolitan og Fox News. Síðan þá hefur Billie fengið hundrað þúsund fylgjendur og er aftur komin með 73 milljón fylgjendur.