Tónlistarmaðurinn Daði Freyr veit með hverjum hann heldur í breska raunveruleikaþættinum Strictly Come Dancing. Ný þáttaröð hefst næsta laugardag og hefur sjónvarpsstöðin BBC greint frá því hvaða lög keppendur munu dansa við.
Dansparið Jamie og Karen dansa Cha Cha Cha við „Think About Things“, framlag Íslendinga í Eurovision í ár og lagið sem margir líta á sem atriðið sem „sigraði næstum því“ Eurovision. En keppninni var aflýst sökum heimsfaraldurs kórónuveirunnar.
Strictly Come Dancing er einn af vinsælustu raunveruleikaþáttum Bretlands. Í fyrra horfðu að meðaltali 7,7 milljón manns á hvern þátt.
Það verður fróðlegt að sjá atriðið á laugardaginn, við getum ekki beðið.
I know who I’m rooting for! https://t.co/EfgGKevrYN
— Daði Freyr 🥑 (@dadimakesmusic) October 21, 2020