Dagskrárgerðarkonan Helga Arnardóttir og Bragi Þór Hinriksson eignuðust dreng síðastliðinn fimmtudag.
Helga greinir frá því á Facebook.
„Móðirin átti yndislega þriggja tíma fæðingu með aðstoð ótrúlegrar ljósmóður á fæðingardeild LSH sem gerði þessi upplifun ógleymanlega. Hann var 18 merkur og 56 cm og dafnar vel. Foreldrarnir eru í skýjunum yfir þessum gullmola sem virðist skælbrosandi á myndinni yfir brjóstamjólkinni sem kom loks eftir tveggja daga bið. Þetta lundarfar lýsir honum best,“ skrifar hún með mynd af drengnum.
Fókus óskar parinu innilega til hamingju.