Bandaríski kvikmyndaleikarinn Kirk Douglas er látinn 103 ára að aldri. Sonur hans, leikarinn Michael Douglas, greinir frá andlátinu á Instagram.
Leiklistaferill Kirk spannaði yfir sex áratugi og lék hann í um 90 kvikmyndum. Á meðal þekktustu mynda hans eru Spartacus, Ace in the Hole, 20.000 Leagues Under the Sea og Champion. Hann settist í helgan stein árið 2004.
Hann var tilnefndur til Óskarsverðlauna fyrir leik sinn í myndunum Champion, Lust for Life og The Bad and the Beautiful.
Árið 1995 voru honum veitt heiðursverðlaun bandarísku kvikmyndaakademíunnar.
https://www.instagram.com/p/B8NCr7Ah40N/?utm_source=ig_embed