Klaustursmálið mikla brennur enn á vörum margra. Á dögunum skilaði siðanefnd Alþingis áliti vegna málsins og var niðurstaðan að tveir af sex þingmönnum á upptökunni á Klaustri Bar hafi brotið siðareglur. Þar er vísað til Gunnars Braga Sveinssonar og Bergþórs Ólasonar, þingmanna Miðflokksins.
Siðanefndin segir að ummæli Bergþórs og Gunnars á upptökunum séu ósæmileg og í þeim felist vanvirðing er lýtur að kynferði þeirra kvenna sem um er rætt. Siðanefnd telur einnig ummælin til þess fallin að kasta rýrð á Alþingi og skaða ímynd þess, jafnframt sem þau sýna Alþingi, stöðu þess og störfum ekki virðingu.
Sjá einnig: Bergþór tók mest mark á skömmum móður sinnar
Í hljóðupptökunni umtöluðu hæddust þeir Gunnar og Bergþór að metoo-hreyfingunni og sögðu báðir að Albertína Friðbjörg Elíasdóttir, þingmaður Samfylkingarinnar, hefði gengið á þá með kynlíf í huga. „Er þetta ástæða til ákæru?“ spyr Gunnar Bragi á einum tímapunkti í upptökunni. Hann rekur söguna af því þegar hann hafnaði boði Albertínu og hún hefði þá orðið æf.
„Það var bara suðað,“ segir Gunnar. „Eins og einhver hefði verið líflátinn. Hún var brjáluð. Hún trylltist, grenjaði og öskraði og ég hugsaði … Fokk, á ég að ríða henni?“
Brot úr samtalinu má heyra að neðan.
Sjá einnig: Segir hart að mega ekki ræða þá reynslu í einkasamtölum