Lexi er 24 ára rappari úr Vesturbænum í Reykjavík og þekktur sem meistari í lífinu – en einnig undir listamannsnafninu Drengur. Hann hefur nýlega fengið meiri og meiri athygli innan reykvísks tónlistarlífs, er nýkominn frá Berlín úr landvinningum og útrás og kemur fram á tónlistarhátíðinni Secret Solstice sunndaginn 23. júní. Hann hefur nú þegar gefið út 2 plötur: „Tæpur Ungur Drengur“ og „Tengdur Drengur“ sem eru á Spotify núna og er með tvær plötur á leiðinni sem er mixtapeið „Kútarnir mínir“ og stúdíóplatan „Ekki lengur Drengur“.
Hjúskaparstaða og börn?
Ég á 2 kúta, kæró og hvutta.
Hvað ætlaðir þú að verða þegar þú varst krakki?
Leeeeeexxxxxi!
Skemmtilegast að gera?
Vera ég!
En leiðinlegast?
Ímynda mér að það sé leiðinlegt að vera einhver annar.
Býrðu yfir einhverjum leyndum hæfileikum?
Ég er alltaf bestur.
Versta ráð sem þú hefur fengið?
Frá sjálfum mér eða öðrum?
Hver er fyrsta minningin þín?
Óljós.
Hvað er það erfiðasta sem þú hefur gert?
Að grafa bróður minn.
En mest gefandi?
Herkúles Kútur Kútason voffinn minn.
Hver myndi skrifa ævisögu þína?
Ég. Hver annar?
Hefur þú fallið á prófi?
Fékk gráðu þótt ég mætti ekki í próf.
Uppáhaldshljómsveit og af hverju?
Drengur vegna þess að hann er Tengdur.
Stærsta stund þín í lífinu?
Ég ætla að vona að hún sé ekki kominn ennþá.
Ertu trúaður eða trúir þú á æðri mátt?
Ég hugsa ekki.
Mannkostir þínir?
Ég skokka hratt og er rosa röskur.
En lestir?
Ég er mínir eigin lestir.
Skrýtnasta lífsreynslan í tónlistarbransanum?
Að hitta Martein BNGRBOY, vera plataður í að rappa og allt sem er í gangi núna.
Eitthvað að lokum?
Vinnum í bænum langt eftir lokun.