Snapchat stjarnan og áhrifavaldurinn Patrekur Jamie er nýjasti gestur útvarpsþáttarins Múslí. Hann deilir með þáttastjórnendum ýmsum ráðum tengdum djamminu og kynlífi.
Patrekur er spurður hvað honum finnst fólk gera rangt þegar það fer heim saman úr bænum.
„Þegar ég fer heim með einhverjum og hann setur ekki tónlist eða þætti eða eitthvað í gang, mér finnst það ótrúlega skrýtið. Þegar það er bara þögn, mér finnst það ótrúlega skrýtið,“ segir Patrekur.
Hann útskýrir þetta nánar og segir að það verði að vera tónlist eða þáttur í gangi á meðan kynlífinu stendur. Ekki til að fylgjast með heldur eitthvað hljóð til að fylla upp í þögnina.
Patreki er alveg sama hvaða þáttur er settur á. „Ég hef alveg riðið við skrýtnustu myndir og þætti,“ segir hann.
„Ég hef bæði gert það við [Stúart litla] og Shrek. Og mér finnst það bæði ógeðslega skrýtið. Ég fór að hugsa það eftir á, þegar allt er búið og þú ferð yfir á hliðina. Þá er Stúart litli [í gangi].“
Aðspurður hvort hann hafi aldrei dottið inn í þætti eða myndir á meðan kynlífinu stendur svarar Patrekur:
„Jújú, ég hef líka alveg nokkrum sinnum farið í símann minn. Því ég er alltaf að tjékka á símanum mínum,“ segir Patrekur en bætir við að manneskjan sem hann var með tók ekki eftir því. „Ég faldi það bara. Það fer eftir stellingum.“
Patrekur er spurður hvaða stellingar henta vel til að kíkja í símann svo hinn aðilinn viti ekki að því segir hann:
„Ef þú liggur á bakinu og ert með klofið opið og hann er svona í klofinu einhvern veginn geturðu sett hendurnar á bakvið og verið í símanum. Ég hef alveg verið að tala við vinkonur mínar þannig. Þeir fatta ekki neitt.“
