„Ég vil bara segja ykkur að ég er langt frá því að halda þessu öllu saman. Ég er að reyna mitt besta og það er það eina sem ég get gert,“ segir Kristbjörg Jónasdóttir í einlægri færslu á Instagram.
Kristbjörg, einkaþjálfari, og Aron Einar Gunnarsson, landsliðsfyrirliði í knattspyrnu, eru gift og eiga tvö börn saman.
Eins og flestum Íslendingum er kunnugt keppti Ísland á móti Frakklandi í gærkvöldi. Því miður átti Ísland tapleik. Aron Einar hefur því verið í burtu frá fjölskyldu sinni í níu daga. Kristbjörg hefur verið ein með drengina og segir að það sé ekki búið að vera auðvelt. Báðir drengirnir, Ólíver og Tristan, hafa verið veikir og þurfti hún að fara með Tristan á spítala í gærkvöldi.
„Ég þurfti að fara með þetta krútt á spítalann í gærkvöldi því hann var ekki hann sjálfur. Þetta byrjaði allt eftir að hann lagði sig seinni partinn í gær eftir að ég kláraði æfingu. Augun hans runnu aftur, hann var ekki vökull, hann var veikburða, engar blautar bleyjur og hélt áfram að æla (ég vissi aldrei að svona mikill vökvi gæti verið í svona litlum líkama.
Þetta gæti hljómað eins og „pest“ fyrir sumum en ég var bókstaflega að skíta á mig. Það var hringt á sjúkrabíl sem fór með okkur á spítala. Eftir að hann var skoðaður vorum við send heim og mér var sagt að fylgjast vel með honum.
Hann vaknaði frekar oft um nóttina. Um morguninn þegar við vöknuðum var hann með hita og það leit út eins og það voru nokkrir blóðblettir í bleyjunni hans, þannig ég fór aftur með hann til læknis. Við létum taka þvagprufu og erum núna að bíða eftir niðurstöðu úr henni,“ segir Kristbjörg í færslu á Instagram.
Kristbjörg segir að það hefur verið erfitt að vera ein með strákana en þeir hafa báðir verið veikir.
„Þessir síðustu níu dagar þar sem Aron hefur verið í burtu þá hefur allt verið á afturfótum. Tristan hefur verið slappur tvisvar og Óliver einu sinni. Rútína mín (sem gerir mig andlega heila og lætur mér líða vel) er algjörlega f***** og ég hef varla sofið. Eins mikið og mig langar að segja: „Þetta er í lagi, ég er með þetta,“ þá er raunveruleikinn þveröfugur. Ég er dauðþreytt! Það getur verið erfitt að hafa enga fjölskyldu hérna en ég er svo heppin að hafa gott fólk í kringum mig,“ segir Kristbjörg.
Hún segist fá reglulega skilaboð frá fylgjendum sínum á Instagram.
„Ég hef fengið svo mörg skilaboð frá ykkur sem segja: „Þú ert súpermamma“ eða „þú ert svo góð mamma.“ Þetta er örugglega stærstu hrós sem ég hef fengið. En ég vil bara segja ykkur að ég er langt frá því að halda utan um þetta allt saman. Ég er að reyna mitt besta og það er það eina sem ég get gert.
Oft býst ég við of miklu frá mér sjálfri, sérstaklega þegar ég er undir álagi sem gerir mig stundum stressaða. Í þessum heimi virðist allt vera fullkomið alltaf hjá öllum, en sannleikurinn er sá að það er það ekki.
Allavega, það er ekkert verra en að sjá börnin þín slöpp og sérstaklega þegar þau geta ekki sagt þér hvað er að. Vonandi verður þetta allt búið bráðlega. Ég get ekki beðið eftir að Aron komi heim á morgun, við höfum saknað hans svo mikið. Takk fyrir öll skilaboðin, þau skipta mig miklu máli og þið haldið mér gangandi.“