Á dögunum gengu ferðaþjónustufrumkvöðullinn Ingólfur Abraham Shahin og unnusta hans, Jing Yang, í það heilaga. Í vikunni var síðan tilkynnt í Lögbirtingablaðinu að parið hefði þinglýst kaupmála sín á milli. Það þarf ekki að koma á óvart í ljósi auðæfanna sem Ingólfur hefur aflað undanfarin ár í gegnum fyrirtæki sitt, Guide to Iceland.
Ingólfur á 55,3% hlut í félaginu í gegnum eignarhaldsfélag sitt, Djengis ehf. Guide to Iceland hagnaðist um 676 milljónir króna árið 2007 og greiddi út 600 milljóna króna arð til hluthafa sinna. Spennandi verður að sjá hver rekstrarniðurstaða ársins 2018 verður en væntingarnar eru miklar. Þá vakti athygli að Ingólfur fjárfesti í hinu umtalaða glæsihýsi við Fjölnisveg 11 í hjarta borgarinnar þar sem hann og Jing mun verða framtíðarheimili þeirra og tveggja sona þeirra.
Umfangsmiklar framkvæmdir hafa staðið yfir í húsinu undanfarið, en á meðan hafa þau búið í öðrum fasteignum sem þau eiga.