Sjónvarpsstjörnunni Bergsteini Sigurðssyni er margt til lista lagt. Hann var valinn einn af kynþokkafyllsta sjónvarpsfólkinu árið 2017 og ekki minnkar kynþokkinn við nýjasta ævintýri Bergsteins. Landsmenn þekkja hann sem umsjónarmann Menningarinnar á RÚV en nú hefur hann lokið fyrstu önninni í húsasmíði í kvöldskóla Fjölbrautaskólans í Breiðholti. Bergsteinn birtir afrakstur annarinnar á Facebook, forláta tröppu sem er nánast óaðfinnanleg.