Fyrir um sex árum síðan kynnti Disney-myndin Frozen okkur fyrir skáldskaparheimi Arendelle, land byggt á Noregi.
Elsa og Anna snúa aftur í Frozen 2 sem kemur út í nóvember á þessu ári. Þessi mynd verður einnig byggð á Norðurlandi líkt og fyrri mynd, en í þetta sinn er það okkar eigin Ísland. Bloggið Adventures sýnir tíu vísbendingar sem má sjá í stiklunni um að myndin sé innblásin af Íslandi.
Kvikmyndagerðamennirnir á bakvið Frozen 2 ferðuðust um Norðurlöndin í leit að innblæstri og stóð „fegurð Íslands“ upp úr.
„Ísland var rosalega goðsagnakennd. Mér fannst náttúran svo mögnuð og kraftmikil,“ sagði Marc Smith, leikstjóri sögunnar, við Oh My Disney.
Höfundur og leikstjóri kvikmyndarinnar, Jennifer Lee, sagði að ferðalagið hafi gefið þeim innblástur fyrir bæði sögusviðinu og söguþræðinum. „Ég held að ferðin hafi ekki aðeins gefið okkur sjónrænan innblástur heldur gerði það eitthvað meira,“ sagði hún.
Adventures horfði á stikluna fyrir Frozen 2 og tók eftir nokkrum vísbendingum sem má sjá hér að neðan. Ef um tvær myndir saman sé að ræða er sú efri skjáskot úr stiklunni og neðri frá Íslandi.
Nykur er þjóðsagnavera sem líkist mjög hesti, og er oftast steingrár eða apalgrár að lit. Nykur er ein þekktasta tegund kynjaveru á Íslandi enda er hann víða að finna. Hans er snemma getið í ritheimildum. Nykrar eiga sér hliðstæðu í þjóðtrú nágrannalanda, t.d. Noregs og Orkneyja.