Tökulið frá sjónvarpsstöðinni MTV mætir á tónlistarhátíðina Secret Solstice í sumar til að taka upp efni á hátíðinni. Er þetta liður í umfjöllun MTV á fimm tónlistarhátíðum víðs vegar um Evrópu, en samkvæmt tilkynningu á vef MTV ætla forsvarsmenn sjónvarpsstöðvarinnar einnig að gefa miða á Secret Solstice, sem og hinar fjórar hátíðirnar.
Hinar hátíðirnar eru Exit Festival í Serbíu, Isle of MTV á Möltu, Ultra Europe í Króatíu og Sziget Festival í Ungverjalandi. Þrjár fyrstu hátíðirnar eru í júlí en sú síðastnefnda í ágúst.
Secret Solstice fer fram 21. til 23. júní en meðal listamanna sem troða upp eru Black Eyed Peas og Rita Ora.
