Gamanleikarinn Owen Wilson er sagður hafa engan áhuga að hitta nýfæddu stúlkuna sem hann eignaðist með fyrrum ástkonu sinni, Varunie Vongsvirates. Vefur fréttamiðilsins Us Weekly segir meðal annars frá þessu.
Greint er frá því að leikarinn hafi mætt fyrir rétti og hafnað boði um að deila forræði dótturinnar, að hann hafi hakað við reitinn „Engar heimsóknir“ þegar hann leysti málið fyrir dómnefnd í sumar.
Owen hafði í fyrstu grunsemdir um að ekki væri um blóðdóttir hans að ræða. Þá fór hann í faðernispróf þar sem staðfest var að hann ætti stúlkuna sem fæddist í október og hefur hlotið nafnið Lydia.
Þau Owen og Varunie áttu í fimm ára ástarsambandi en heimildir Us Weekly herma að hann vilji ekki hitta Lydiu né koma nálægt málinu. Þar segir einnig að leikarinn hafi ekki enn séð dóttur sína eftir að hún kom í heiminn. Ólíklegt þykir að það breytist á næstunni.
Varunie birti mynd af dóttur þeirra á Instagram, sem sjá má hér að neðan.
Fyrir á Wilson tvo drengi, þá Robert Ford (7) og Finn Lindqvist (4) sem hann átti úr fyrri samböndum. Owen sagði í viðtali við fréttaveituna The Sun í fyrra að föðurhlutverkið væri honum ómetanlegt. „Ég er strax farinn að sjá hvernig drengirnir verða á unglingsaldrinum,“ segir hann á léttum nótum, „hvernig þeir munu snúast gegn mér.“
