fbpx
Laugardagur 25.maí 2019

DV - Frjáls og óháður miðill

Fókus

Skuggalega ríku krakkarnir í Skuggahverfinu

Fókus
Föstudaginn 23. nóvember 2018 11:00

Ekki missa af Helstu tíðindum dagsins í pósthólfið þitt

Lesa nánar

Undanfarin ár hefur verið gríðarleg uppbygging í Skuggahverfinu svokallaða, sem samkvæmt gamalli skilgreiningu er svæðið austan Ingólfsstrætis og allt inn að Vitastíg, norðan Laugavegar. Þar hefur risið mikil byggð lúxusíbúða og þar hafa fjölmargir efnaðir Íslendingar, sem og útlendingar, komið sér fyrir. Í þeim hópi eru ungir erfingjar auðæfa sem una hag sínum vel á þessum draumastað.

Í mars greindi DV frá því að Birgitta Líf Björnsdóttir, dóttir Björns Leifssonar og Hafdísar Jónsdóttur, sem gjarnan eru kennd við World Class, hefði staðgreitt 63 milljóna króna íbúð í fjölbýlishúsi við Vatnsstíg 20–22. Íbúðin er 104 fermetrar að stærð og tók Birgitta Líf rækilega til hendinni við að hanna rýmið eftir sínu höfði.

Birgitta Líf kann vel við sig í Skuggahverfinu

Nágranni Birgittu Lífar í  sama húsi er Brynja Dagmar Jakobsdóttir, sem er dóttir útgerðarhjónanna og fjárfestanna Jakobs Valgeirs Flosasonar og Bjargar Hildar Daðadóttur. Brynja Dagmar býr í einni af þremur íbúðum í húsinu sem eru í eigu foreldra hennar, ásamt unnusta sínum og syni.

Brynja Dagmar Jakobsdóttir

Á Vatnsstíg 21 býr Samherjaprinsinn Baldvin Þorsteinsson ásamt konu sinni og dóttur. Baldvin fjárfesti í íbúðinni árið 2011 en nokkrum árum áður hafði faðir hans, Þorsteinn Már Baldvinsson, keypt hina íbúðina á hæðinni. Samherjafeðgarnir una því hag sínum vel í Skuggahverfinu.

Baldvin Þorsteinsson. Samherjafeðgarnir keyptu heila hæð í Skuggahverfinu.

Rapparinn Gísli Pálmi Sigurðsson hefur látið lítið fyrir sér fara á tónlistarsviðinu undanfarin misseri. Gísli Pálmi býr  í glæsiíbúð í fjölbýlishúsi við Vatnsstíg 16–18 sem er í eigu föður hans, Sigurðar Gísla Pálmasonar. Þar fer sennilega afar vel um hann.

Gísli Pálmi Sigurðsson

Í eldra fjölbýlishúsi í hverfinu, nánar tiltekið Skúlagötu 32–34, hefur ungur fjárfestir látið til sín taka. Það er Ásgeir Mogensen, sonur eins ríkasta manns landsins, Skúla Mogensen. Í samstarfi við viðskiptafélaga sinn, Baldur Þór Sigurðarson, hefur Ásgeir, sem er aðeins 25 ára gamall, fjárfest í þremur lúxusíbúðum í húsinu. Kaupin gengu í gegn í byrjun síðasta árs og var heildarkaupverðið um 114 milljónir króna. Félagarnir þekkja fasteignamarkaðinn vel en saman hafa þeir rekið félagið Leigulausnir sem meðal annars aðstoðar fólk við útleigu Airbnb-íbúða.

Ásgeir Mogensen

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Sextán ára að gefa út tónlist: „Fólk veit ekkert hvernig ég er í alvörunni“

Sextán ára að gefa út tónlist: „Fólk veit ekkert hvernig ég er í alvörunni“
Fókus
Í gær

DV leikur sér að heitasta filternum á Snapchat – Sjáið myndirnar

DV leikur sér að heitasta filternum á Snapchat – Sjáið myndirnar
Fókus
Fyrir 2 dögum

Skandall skekur Eurovision-heiminn – Alvarleg mistök dómnefndar gætu dregið dilk á eftir sér

Skandall skekur Eurovision-heiminn – Alvarleg mistök dómnefndar gætu dregið dilk á eftir sér
Fókus
Fyrir 2 dögum

Nýtt lag frá Eiríki – Lýsir mér leið

Nýtt lag frá Eiríki – Lýsir mér leið
Fókus
Fyrir 3 dögum

Blaðamaður Jerusalem Post gerir stólpagrín að Hatara: „Ísland hefði átt að vinna Eurovision [Háðsádeila]“

Blaðamaður Jerusalem Post gerir stólpagrín að Hatara: „Ísland hefði átt að vinna Eurovision [Háðsádeila]“
Fókus
Fyrir 3 dögum

22 smáatriði sem þú tókst pottþétt ekki eftir í lokaþætti Game of Thrones

22 smáatriði sem þú tókst pottþétt ekki eftir í lokaþætti Game of Thrones