Ásgrímur Guðnason greinir frá svefnvandamáli sem hann á við að stríða með fylgjendum sínum á Facebook og Snapchat (asigudna). „Ég hrýt soldið á nóttunni og ákvað að láta skoða það og var þá sendur í svefnrannsókn til að athuga hvort ég væri með kæfisvefn.“
Ási reyndist ekki vera með kæfisvefn, en læknirinn var með ráð um hvernig hann gæti losnað við hroturnar.
„Í hvert skipti sem ég heimsæki lækni þá er mér ráðlagt að grennast. Þó ég fari út af húðsjúkdómi á litla putta þá þarf ég að grennast,“
Ási segir hins vegar frá því að þessi læknir hafi farið aðra leið. Svarið var skriflegt svo ekkert færi á milli mála. Á miðann skrifaði læknirinn meðal annars: „Hroturnar gætu minnkað ef þú létist.“
„Í alvörunni það er bara að hrjóta eða deyja!,“ segir Ási, sem hyggst ekki fara eftir þessu ráði læknisins.
https://www.facebook.com/asigudna/videos/10217439715409191/