Verslunarmannahelgin er framundan og keppast verslanir við að bjóða upp á margs konar tilboð fyrir ferðalanga sem ætla að skella sér út á land um helgina.
Blaðamaður DV tók sérstaklega eftir einu tilboði sem er í boði hjá verslunum Bónus sem er auglýst í Bónusbæklingnum.
Í því tilboði getur fólk fengið pakka af smokkum sem inniheldur 10 Extra Safe smokka á eingöngu 549 krónur ásamt því að Intense Orgasmic gel fylgir í kaupauka.
Í auglýsingum er venjan að auglýsa stykkjaverð, en markaðsdeild Bónusar hefur ákveðið að segja í auglýsingu sinni að hver skemmtun kosti eingöngu 55 krónur.
Við hjá DV hvetjum alla að setja öryggið á oddinn um þessa verslunarmannahelgi.
