Á Bíldudal eru til sölu nýjar rúmlega 50 fermetra íbúðir með innbúi á aðeins 16 milljónir. Það er Kalkþörungaverksmiðjan í bænum sem reisti þessar glæsilegu íbúðir. Einar Sveinn Ólafsson sem starfar sem verkefnisstjóri verksmiðjunnar segir í samtali við DV að mögulegt væri að bjóða þessar íbúðir til sölu á um 22 milljónir í Reykjavík. Morgunútvarpið á Rás tvö heyrði í Einari í morgun og þar sagði hann byggingarkostnað í Reykjavík alltof háan og eftir reynsluna af því að reisa þessar íbúðir setti hann ýmis spurningarmerki við markaðinn hér á landi.
Í samtali við DV segir Einar Sveinn: „Þetta eru timburhús sem eru byggð um alla Skandinavíu, sérstaklega í Finnlandi, Eistlandi og Lettlandi, og er þetta útlit eða form sem þú sérð bara ein gerð af mörgum Þetta hús stenst algjörlega íslenska veðráttu.“
Þá segir Einar að fjárfestingabankar sem eru að sýsla með fé lífeyrissjóðanna sem séu að byggja að mestu og moka svo inn milljörðum og milljarðatugum í arðgreiðslur. Bendir hann á að hægt sé að kaupa hús ódýrt frá Eistlandi og fleiri löndum.
„Byggingarkostnaður þarf ekkert að vera svona hár í Reykjavík. Þeir þurfa ekki að keyra og flytja allt í hundruð eða þúsundir kílómetra. Virðiskeðjan er svo löng og það eru allir að taka upp í 100% í hverju þrepi. Þannig verður verðið svona.“