Fjölmargir notendur Snapchat reiddust mikið þegar viðmótið breyttist, reyndu meira að segja sumir að taka til baka uppfærsluna sem breytti viðmótinu.
Meira en milljón notenda skrifuðu undir áskorun til Snapchat að hætta við breytingarnar og sjálf Kylie Jenner, sem er með fleiri hundrað þúsund fylgjendur, lýsti því yfir að hún væri ekkert hrifin af þessu. Eitthvað hefur Snapchat tekið gagnrýnina til sín og mun nú gefa út aðra uppfærslu sem tekur til baka margar af umdeildustu breytingunum.
Nú geta notendur semsagt aftur ýtt til vinstri til að skoða matarmyndir og sjálfur vina sinna í stað þess að ýta til hægri.
Einnig verða sögur vina þinna aðgengilegar í tímaröð en ekki í þeirri röð sem Snapchat heldur að þú viljir sjá.
Breytingarnar eru nú þegar komnar á iPhone en Android uppfærslan verður aðgengileg fljótlega.
Ert þú ein/n af þeim sem fagnar þessu eða var hitt byrjað að venjast?
