Laun kjörinna fulltrúa og æðstu embættismanna voru fryst til áramóta í lok síðasta mánaðar. Mörgum fannst þetta flott afstaða hjá okkar æðstu embættismönnum enda hefði það farið öfugt ofan í margan landann að sjá yfirvaldið hækka í launum á meðan atvinnuleysi nær nýjum hæðum og atvinnuhorfur í samfélaginu eru vægast sagt svartar. En hvað kemur svo á daginn? Jú, að sjálfsögðu kom þessi ákvörðun bara stuttu korteri eftir að laun hinna sömu höfðu þegar hækkað um allt að 188 þúsund krónur um áramótin. Hversu ört hækka laun þeirra ef frysta þarf þau, eftir þessa dágóðu hækkun, í níu mánuði til að þau hækki ekki enn frekar? Sandkornaskrifari ætti klárlega að íhuga að sækja um embætti því ekki þróast hans laun jafnt ört og mikið í einu.